Leigufélagið Bríet og Fjarðabyggð skrifuðu nýverið undir samstarf þar sem Bríet kemur til með að taka við íbúðum í eigu sveitarfélagsins. Fjarðabyggð kemur til með að eignast hlut í Bríeti og verður þar með fyrsta sveitarfélagið til að verða hluthafi í leigufélaginu.
Íbúðirnar sem um ræðir eru í Réttarholti 1-3 á Reyðarfirði. Staða leigjenda helst óbreytt samkvæmt tilkynningu en réttindi og skyldur leigusamninga færast til Bríetar.
Markmið samstarfsins er að samræma umsýslu leigueigna á landsbyggðinni ásamt því að Bríet auki samskipti og samvinnu við sveitarfélögin meðal annars varðandi uppbyggingu nýrra leigueigna.
