Þann 1. júlí s.l. bættist Reykhólahreppur í hluthafahóp Leigufélagsins Bríetar ehf. með því að leggja inn í félagið íbúðir sem voru í eigu sveitarfélagsins. Ingibjörg Birna Erlingsdóttir, sveitarstjóri Reykhólahrepps og Drífa Valdimarsdóttir, framkvæmdastjóri Leigufélagsins Bríetar undirrituðu framsal íbúðanna og um leið áttu fulltrúar Bríetar fund með sveitastjórn Reykhólahrepps.
Markmið Bríetar er að vera hluti af uppbyggingu og styrkingu leigumarkaðar í samstarfi við sveitarfélögin í landinu og stuðla að öryggi á langtímaleigumarkaði með sérstaka áherslu á landsbyggðina.
