Búfesti hsf. afhenti á dögunum nýjum íbúum fyrstu íbúðirnar í nýju raðhúsi við Grundargarð á Húsavík. Búfesti hefur verið með í byggingu 12 íbúðir í tveimur raðhúsum og stendur nú til að afhenda íbúðirnar úr fyrsta húsinu á allra næstu dögum en áætlað er að íbúðirnar úr síðara húsinu verði tilbúnar til afhendingar í lok árs. Íbúðirnar eru um 100 m² hver með þremur svefnherbergjum og eru þær sem fyrr segir í raðhúsum á tveimur hæðum sem er byggt úr forsmíðuðum timbureiningum.
Íbúðirnar eru hluti af tilraunaverkefni HMS sem hafði það markmið að fanga mismunandi áskoranir sveitarfélaga í húsnæðismálum og móta lausnir í þeim tilgangi að stuðla að eðlilegum framgangi sveitarfélaga á landsbyggðinni með uppbyggingu íbúða um allt land. Íbúðirnar voru fjármagnaðar með landsbyggðarlánum frá HMS sem er lánaflokkur sem varð til úr tilraunaverkefninu.
Sjá meira um landsbyggðarlán hér.
