Brák íbúðafélag hses. og Húnaþing vestra stefna á uppbyggingu á hagkvæmum leiguíbúðum á Hvammstanga og auglýsa því eftir byggingaraðilum til samstarfs. Byggingaraðili skal vera aðalverktaki og annast framkvæmd verkefnis í samráði við sveitarfélagið og Brák.
Fyrirhugað er að byggðar verði alls 8 íbúðir í fjölbýlishúsi við Norðurbraut 15. Æskilegt væri að íbúðir væru af fjölbreyttum stærðum um 60-90 fermetrar að stærð.
Gögn fyrir áhugasama samstarfsaðila er hægt að nálgast með að senda tölvupóst á brakibudafelag@brakibudafelag.is og skal gögnum skilað fyrir mánudaginn 14. október 2024.
Við val á byggingaraðilum til samstarfs verður tekið tillit til reynslu aðila ásamt hagkvæmni og gæðum lausna.
Nánari upplýsingar veita Einar Georgsson framkvæmdastjóri Brákar íbúðafélags (einar.georgsson@brakibudafelag.is) og Unnur Valborg Hilmarsdóttir sveitarstjóri Húnaþings vestra (unnur@hunathing.is).
