Lýsing á verkefninu
Seyðisfjarðarkaupstaður fyrir hönd óstofnaðrar húsnæðissjálfseignastofnunar hefur fengið samþykkt úthlutun stofnframlaga auk sérstaks byggðaframlags til byggingar á 8 íbúðum til langtímaleigu í íbúðakjarna fyrir eldri borgara. Einnig er áætlað að í húsinu verði sameiginleg samkomuaðstaða fyrir íbúa.
Seyðisfjarðarkaupstaður er hluti af tilraunaverkefni HMS um uppbyggingu húsnæðismála á landsbyggðinni og hefur um nokkurt skeið verið unnið að útfærslu á verkefninu í samvinnu við HMS og ráðgjafa svo hægt sé að bjóða upp á umræddar íbúðir þar sem mikil þörf er í sveitarfélaginu fyrir slíkar íbúðir.
