Húsnæðis- og mannvirkjastofnun býður upp á lán til byggingar á íbúðum á landssvæðum þar sem er misvægi á milli byggingarkostnaðar og markaðsverðs íbúða og erfitt reynist að fá fjármögnun verkefna eða vaxtakjör eru mun hærri en bjóðast á virkari markaðssvæðum.
Markmiðið með lánveitingunum er að tryggja eðlilega fjölgun hagkvæmra íbúða og stuðla að jafnvægi á húsnæðismarkaði, óháð staðsetningu íbúða.
Einstaklingar, sveitarfélög og félög sem ekki eru rekin í hagnaðarskyni geta sótt um Landsbyggðarlán hjá HMS.
Heimilt er að fá Landsbyggðarlán greidd út eftir framvindu á framkvæmdatíma, að uppfylltum ákveðnum skilyrðum.